
Masjid Baitussyakur, Desa Seren, Kecamatan Sulang, Rembang lagi didandani. Ndek wingenane, Bupati Rembang Abdul Hafidz melu nyelehno bata wiwitan.
Acara iku ditekani Pengasuh Pondok Pesantren Taman Pendidikan Islam, Kelurahan Leteh, KH Syarofudin Ismail Qoimas lan Bupati Rembang, Abdul Hafidz.
Bupati nuturake, wong sing mlebu sakjerone panitia masjid supaya bisa jogo jeneng lan martabat. Amarga warga wis melu urun dana, tenaga lan pikiran kanggo kelancaran pembangunan masjid.
Solidaritas panitia, jare Bupati, kadang perkara sepele dadi masalah. Kayata tukang blanja entuk kaos. "Niku mawon dipadu wong: Wah enak cah tukang blanja entak-entuk. Padahal entuk kaos ning toko, iku lak biasa. Iku dipadu masyarakat," jarene.
Saka kui, Hafidz nglanjutake, supaya hal-hal cilik niki supados ditebihi. "Napa malih perkara duit pembangunan dienggo utang-utang, niki dadi perkara gedhe niki kudu diadohi," imbuhe.
Hafidz uga nyampekke supaya panitia rutin menehi informasi marang masyarakat lewat pertemuan rutin.
Kanggo nglancarake renovasi, Pemkab Rembanv uga bantu Rp 100 Juta saka kas daerah, Rp 50 juta sata Baznas, lan saka Bupati Pribadi bantu pasir 2 truk lan 100 sak semen.
Ketua Panitia Pembangunan Masjid, Sutarmin ngomong, rencana renovasi masjid total ukuran 20x40 meter dimulai saka serambi. Supaya bagian ngarep kui bisa dimanfaatke kanggo jamaah.
"Anggaran sing dulibutuhke Rp 3,5 miliar. Kira kira pembangunan kanti 3 tahun, yen lancar," tambahnya. (vah/him)



