alexametrics
Senin, 02 Aug 2021
radarkudus
Home > Kudus
icon featured
Kudus

Usir Covid-19 Nganggo Banyu Rukyah

02 Juni 2021, 10: 00: 59 WIB | editor : Ali Mustofa

ORA LAZIM: Ketua DPRD Kudus periode 1999-2004 Heris Paryono nyemprotke banyu rukyah ning RSUD Loekmono Hadi Kudus wingi.

ORA LAZIM: Ketua DPRD Kudus periode 1999-2004 Heris Paryono nyemprotke banyu rukyah ning RSUD Loekmono Hadi Kudus wingi. (DONNY SETYAWAN/RADAR KUDUS)

Share this      

ING tengah dhuwure kasus Covid-19 ing Ku­­dus, ono kedadean kang ora lazim. Yoiku tu­­min­dake ketua DPRD Kudus periode 1999-2004 Heris Paryono. Deweke nyemprotke ba­­nyu rukyah ing panggonan-panggonnan ra­mai. Ning antarane ing RSUD Loekmono Hadi lan Pasar Bitingan.

Iku dilakoni amergo mantan anggota DPRD Ku­­dus iku prihatin karo kasus korona ing Ku­dus. Mer­go iku perlu ikhtiar soko kabeh ka­la­ng­an. Termasuk deweke. Nanging Heris milih co­ro kang ora lazim. Yaiku nganggo banyu ru­kyah kang disemprot-semprotke koyok de­sinfektan.

”Iki karepku dewe. Tujuane yo podo-podo kanggo lawan korona. Soale aku yo melu prihatin karo kahanan saiki,” omonge.

Baca juga: Ganjar Kaget Pasien Positif Covid-19 di Kudus Ditunggui Keluarganya

Heris ngelakoni iku amergo ngeyakini yen Covid-19 iku yo makhluk kang ditekakke soko pengeran. Dadi obate yo kudu jaluk pertolongane Kang Kuwoso. Nganggo coro doa-doa. Salah sijine nganggo model banyu rukyah. Kang disalurke nganggo coro disemprotke kanggo ikhtiar.

Dekne jelaske yen banyu kang disemprotke iku, campuran banyu zamzam lan banyu bia­sa. Campuran iku diwacakke ayat-ayat Alquran. Wektune ngan­ti 40 dino.

Ing 40 dino iku, dzikir-dzikir kang diwoco antarane basmalah 10.000 lan salawat. Sak rampunge moco iku, langsung disebulke marang banyu mau. Sak liyane iku, ugo diwacakne dzikir. Kabeh mau diwoco kanti keadaan suci. Yaiku nganggo coro njogo wudu.

”Iki khasiate luar biasa. Wes pernah bojoku loro korona. Pa­tang dino tak wacakne lan ngom­be banyu rukyah. Hasile lang­sung negatif,” ucape.

Dekne ugo melu ngandani marang wong akih supoyo prihatin lan ikhtiar kanggo bareng-bareng nglawan korona. Iso teko coro medis ugo coro dongo. Kanggo wong Islam, Heris nyaranke su­poyo podo moco Alquran lan salawat nabi kang ditujukke su­poyo pengeran ngangkat kabeh penyakit. Terutama korona.

”Inshaallah yen kabeh podo gelem jogo wudu lan dongo marang Gusti, korona bakal ndang ilang. Corona itu pagebluk soko Gusti Kang Maha Agung. Lan bakale mbalik marang pengeran,” ujare. (tos)

(ks/lin/top/JPR)

 TOP
Artikel Lainya